Alai hai do doda idang
Rangkang di blang tameh bangka
Beurijang rayeuk putroe seudang
Tajak teubang peureulak raya
Alai hai do doda idang
Cicem subang jipheo meugisa
Ngon tee rayeuk bungoeng kembang
Kaye disimpang peugot keu bachtera
Jak ku timang bungoeng meurak
Kayee sibak di leuen istana
Beurijang rayeuk puteh meuprak
Beukeut tamat beuliong raya
Jak ku timang bungoeng langsat,
Bee jih mangat bungoeng langa,
Beurijang rayeuk puteh lumat,
Bak jeut tamat keumidue bachtera,
Allah hai do doda idi,
Anoe pasi riyeuk tampa,
Beurijang rayeuk cut putehdi,
Gantoe abi adun tamita.
Allah hai do doda idang,
Bungoeng mancang rhot meukuba,
Bak rijang rayeuk bungoeng keumbang,
Jak tung abang di Djakarta.
Jak ku timang bungoeng sukon,
Bak sitahon boh hantom na
Beurijang rayeuk puteh sabon
Beu-ek tapeutreun bachtera raya
Bukoen sayang lon eu simplah
Lam geu keubah so ngui hana
Bukon sayang lon eu nang mah
Dalam susah ingat keubanta
Bukan sayang lon eu peunto
Peunoh asoe meuh permata
Bukon sayang lon eu putroe
Da wok geumeu ro ie mata.
Setiap hari inang pengasuh membaca syair ini untuk menumbuhkan semangat Putri Nurul ‘Ala jika kelak besar dia nanti akan bumbuat sebuah bachtera dari pohon peurelak yangbada di tepi sungai.
Semoga bermanfaat, lain waktu penulis akan mencoba share tentang Lagenda Puerlak & Putri Nurul ‘Ala
